ਰਾਜ ਡਿਉੜੀ

ਵੇਰਵਾ: ਮਹਿਲ ਦੀ ਮੁੱਖ ਇਮਾਰਤ ਦੀ ਉਸਾਰੀ ਰਾਜਾ ਬਲਬੀਰ ਸਿੰਘ ਦੀ ਸਰਪ੍ਰਸਤੀ ਹੇਠ ਦੋ ਪੜਾਵਾਂ ਦੌਰਾਨ ਹੋਈ। ਪਹਿਲਾਂ ਪੱਛਮੀ ਭਾਗ ਰਾਜਾ ਬਿਕਰਮ ਸਿੰਘ ਦੇ ਰਾਜ ਕਾਲ (1874-1898) ਦੌਰਾਨ ਬਣਾਇਆ ਗਿਆ ਜਦਕਿ ਪੂਰਬੀ ਭਾਗ ਅਤੇ ਡਿਉੜੀ ਬਾਅਦ ਵਿਚ ਰਾਜਾ ਬਲਬੀਰ ਸਿੰਘ ਦੇ ਰਾਜ ਦੌਰਾਨ 1899 ਤੋਂ 1902 ਦਰਮਿਆਨ ਉਸਦੀ ਆਪਣੀ ਇੱਛਾ ਅਤੇ ਰੁਚੀ ਅਨੁਸਾਰ ਬਣਾਇਆ ਗਿਆ। ਮੁੱਖ ਮਹਿਲ ਦਾ ਦੱਖਣੀ ਹਾਲ ਅਤੇ ਪਾਰਕ ਵਿਚਲੇ ਨਿੱਕੇ ਪੈਵਿਲੀਅਨ ਫ਼ਰੀਦਕੋਟ ਦੇ ਆਖਰੀ ਰਾਜਾ ਹਰਿੰਦਰ ਸਿੰਘ ਵੱਲੋਂ 1937 ਤੋਂ 1940 ਦਰਮਿਆਨ ਬਣਵਾਏ ਗਏ। 1945-1946 ਵਿਚ ਕੰਧ ਉਸਾਰ ਕੇ ਡਿਉੜੀ ਨੂੰ ਮੁੱਖ ਇਮਾਰਤ ਸਮੂਹ ਤੋਂ ਅਲੱਗ ਕਰ ਕੇ ਬਲਬੀਰ ਹਸਪਤਾਲ ਵਿਚ ਬਦਲ ਦਿੱਤਾ ਗਿਆ ਸੀ। ਅੱਜਕੱਲ੍ਹ ਇਸ ਥਾਂ ਲਾਇਬਰੇਰੀ ਸਥਿਤ ਹੈ।