ਗੁਰੂਦੁਆਰਾ ਗੋਦਾਵੜੀਸਰ ਪਾਤਸ਼ਾਹੀ ਦਸਵੀਂ ਪਿੰਡ ਢਿਲਵਾਂ ਕਲਾਂ

ਇਹ ਗੁਰਦੁਆਰਾ ਢਿਲਵਾਂ ਕਲਾਂ ਪਿੰਡ ਵਿਚ ਸਥਿਤ ਹੈ। ਇਹ ਪਿੰਡ ਕੋਟਕਪੂਰਾ ਤੋਂ 5 ਕਿਲੋਮੀਟਰ ਦੂਰ ਕੋਟਕਪੂਰਾ-ਬਠਿੰਡਾ ਸੜਕ ਉਪਰ ਸਥਿਤ ਹੈ। ਗੁਰੂ ਗੋਬਿੰਦ ਸਿੰਘ ਜੀ ਮਾਛੀਵਾੜਾ ਤੋਂ ਆਉਂਦੇ ਹੋਏ ਢਿਲਵਾਂ ਕਲਾਂ ਵਿਖੇ ਠਹਿਰੇ ਸਨ। ਲੋਕਾਂ ਵਿੱਚ ਇਹ ਕਥਾ ਪ੍ਰਚੱਲਿਤ ਹੈ ਕਿ ਉਹਨਾਂ ਨੇ ਪਿੰਡ ਦੇ ਸਰੋਵਰ ਵਿਚ ਇਸ਼ਨਾਨ ਕੀਤਾ ਅਤੇ ਚਿੱਟੇ ਵਸਤਰ ਧਾਰਨ ਕੀਤੇ। ਆਪਣੇ ਨੀਲੇ ਵਸਤਰ ਉਹਨਾਂ ਸੋਢੀ ਪਰਿਵਾਰ ਨੂੰ ਭੇਂਟ ਕੀਤੇ ਜੋ ਕਿ ਅੱਜ ਵੀ ਇਸ ਪਰਿਵਾਰ ਕੋਲ ਸੰਭਾਲੇ ਹੋਏ ਹਨ। ਗੁਰੂ ਗੋਬਿੰਦ ਸਿੰਘ ਜੀ ਨੇ ਇਸ ਸਰੋਵਰ ਦਾ ਨਾਮਕਰਨ ਗੋਦਾਵਰੀਸਰ ਵਜੋਂ ਕੀਤਾ ਅਤੇ ਇਸਨੂੰ ਵਰ ਦਿੱਤਾ ਕਿ ਇਸ ਪਵਿੱਤਰ ਸਰੋਵਰ ਵਿਚ ਇਸ਼ਨਾਨ ਕਰਨ ਦਾ ਮਹਾਤਮ ਗੋਦਾਵਰੀ ਨਦੀ ਵਿਚ ਇਸ਼ਨਾਨ ਕਰਨ ਦੇ ਬਰਾਬਰ ਹੋਵੇਗਾ।