ਕਿਲ੍ਹਾ ਮੁਬਾਰਕ

ਮੁਢਲੇ ਰੂਪ ਵਿੱਚ ਕਿਲ੍ਹਾ ਮੁਬਾਰਕ ਰਾਜਾ ਮੋਕਲਸੀ ਨੇ ਬਣਵਾਇਆ ਸੀ। ਬਾਅਦ ਵਿੱਚ ਰਾਜਾ ਹਮੀਰ ਸਿੰਘ ਨੇ ਇਸਦਾ ਪੁਨਰ ਨਿਰਮਾਣ ਕਰਵਾਇਆ। ਰਾਜਾ ਬਿਕਰਮ ਸਿੰਘ ਅਤੇ ਰਾਜਾ ਬਲਬੀਰ ਸਿੰਘ ਨੇ ਵੀ ਇਸ ਵਿਚ ਹੋਰ ਵਾਧੇ ਕੀਤੇ। ਇਸ ਪੁਰਾਤਨ ਸਮਾਰਕ ਵਿੱਚ ਸ਼ਾਹੀ ਮਹਿਲ, ਤੋਸ਼ਾਖਾਨਾ, ਮੋਦੀਖਾਨਾ ਅਤੇ ਖਜ਼ਾਨਾ ਸ਼ਾਮਿਲ ਹਨ। ਕਿਲ੍ਹੇ ਦੀ ਚਾਰਦੀਵਾਰੀ ਅੰਦਰ ਇਕ ਬਾਗ ਵੀ ਹੈ। ਇਸ ਕਿਲ੍ਹੇ ਦੀ ਉਸਾਰੀ ਦੌਰਾਨ ਸੂਫ਼ੀ ਸੰਤ ਬਾਬਾ ਫ਼ਰੀਦ ਜੀ ਨੂੰ 1215 ਈ. ਵਿੱਚ ਟੋਕਰੀ ਨਾਲ ਗਾਰਾ ਢੋਣ ਲਈ ਮਜਬੂਰ ਕੀਤਾ ਗਿਆ। ਕਿਲ੍ਹੇ ਅੰਦਰ ਫ਼ਰੀਦਕੋਟ ਦੇ ਸ਼ਾਹੀ ਘਰਾਣੇ ਦੀਆਂ ਵਿੰਟੇਜ ਕਾਰਾਂ ਦੀ ਪ੍ਰਦਰਸ਼ਨੀ ਦਰਸ਼ਕਾਂ ਨੂੰ ਆਕਰਸ਼ਿਤ ਕਰਦੀ ਹੈ।