ਗੁਰੂਦੁਆਰਾ ਗੁਰੂ ਕੀ ਢਾਬ

ਦੋਦਾ ਤਾਲ ਵਜੋਂ ਜਾਣੀ ਜਾਂਦੀ ਇਸ ਥਾਂ ਉਪਰ ਦਸਵੇਂ ਗੁਰੂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਪਹੁੰਚੇ ਤਾਂ ਇਹ ਸਥਾਨ ਗੁਰੂ ਕੀ ਢਾਬ ਵਜੋਂ ਇਤਿਹਾਸਕ ਮਹੱਤਵ ਧਾਰਨ ਕਰ ਗਿਆ। ਇਹ ਸਥਾਨ ਕੋਟਕਪੂਰਾ-ਜੈਤੋ ਸੜਕ ਉਪਰ ਕੋਟਕਪੂਰਾ ਤੋਂ 12 ਕਿਲੋਮੀਟਰ ਦੂਰ ਸਥਿਤ ਹੈ। ਗੁਰੁ ਗੋਬਿੰਦ ਸਿੰਘ ਜੀ ਨੇ ਇਥੇ ਸੰਗਤ ਨੂੰ ਗੁਰਸਿੱਖੀ ਦਾ ਸੰਦੇਸ਼ ਦਿੱਤਾ। ਉਹਨਾਂ ਇਥੋਂ ਦੇ ਸਰੋਵਰ ਨੂੰ ਵਰ ਦਿੱਤਾ ਕਿ ਇਥੇ ਇਸ਼ਨਾਨ ਕਰਨ ਨਾਲ ਮਨੁੱਖ ਜਨਮ-ਮਰਨ ਦੇ ਗੇੜ ਤੋਂ ਮੁਕਤੀ ਹਾਸਲ ਕਰ ਲਵੇਗਾ। ਇਸ ਤੋਂ ਇਲਾਵਾ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਇਥੇ ਇਸ਼ਨਾਨ ਕਰਨ ਨਾਲ 18 ਪ੍ਰਕਾਰ ਦੇ ਰੋਗਾਂ ਤੋਂ ਮੁਕਤੀ ਮਿਲਦੀ ਹੈ।